Aktyvist niezarehistravanaj arhanizacyi «Małady front» Anton Rusin paviedamiŭ pra vizit ludziej u cyvilnym da jaho na pracu.Nieznajomcy cikavilisia padrychtoŭkaj da vuličnych akcyj i pahražali prablemami na pracy svajakam aktyvista. Jany prapanavali chłopcu pierad kamieraj pračytać padrychtavany imi tekst. 19‑hadovy chłopiec pryznaŭsia, što supracoŭniki KDB jaho rasčaravali. Raniej jon mieŭ ujaŭleńnie pra ich pracu z mastackich filmaŭ.
Aktyvist «Maładoha frontu» Anton Rusin raskazaŭ, što ŭ abiedzienny pierapynak jaho vyklikali ŭ adździeł kadraŭ. Kala centralnaj prachadnoj avijaramontnaha zavodu chłopiec ubačyŭ troch mužčyn. Jany zaviali Antona ŭ kabiniet, i pradstaŭnik zavodu pakinuŭ jaho ź nieznajomcami, skazaŭšy, što jamu treba parazmaŭlać z «tavaryšami».
Anton Rusin:
«Kažuć: «U nas jość da ciabie pytańni. My budziem tabie ich zadavać, a ty budzieš adkazvać«.Paprasiŭ ich pradstavicca, ale jany mianie abarvali, što tut jany zadajuć pytańni. Cikavilisia ŭsim. Skazali, što pra mianie šmat čaho viedajuć. Nazvali proźviščy maich siabroŭ, cikavilisia lideram arhanizacyi Źmitrom Daškievičam».
Anton ličyć, što jaho dapytvali supracoŭniki KDB. Ich vielmi cikaviła padrychtoŭka da akcyi 14 traŭnia, a taksama asoby niekatorych siabroŭ arhanizacyi.
«Cikavilisia akcyjaj 26‑ha. Pytalisia chto za što adkazny, u kaho ściahi, chto pracuje nad sajtam… Bolš za ŭsio ich cikaviła akcyja «Za niezaležnaść» 14 traŭnia. Ja bolš maŭčaŭ, a słuchaŭ ich.
Jany razmaŭlali pa čarzie.
Pahražali, što stvorać prablemy na pracy majoj mamie, što jaje zvolniać. Pahražali mnie prablemami na pracy, maŭlaŭ, letam kantrakt skončycca.Kazali, što nia budu pracavać ni tut, ni jašče dzie… Nikudy nie pastuplu.».
Ludzi ŭ cyvilnym prapanavali Antonu dać intervju pierad kamieraj. Pryčym, samomu chłopcu na niejkija pytańni adkazvać było b nia treba.
«Kažuć: «Dasi nam intervju na kamieru. Raspaviadzieš pra front, kiraŭnikoŭ. Kab ja kazaŭ, što ciapier nibyta škaduju, što staŭ siabram takoj arhanizacyi. Skazali, što sami napišuć mnie tekst i skažuć, što i jak treba kazać. Ja ad hetaha admoviŭsia i jany mnie znoŭ stali pahražać».
Moładzievyja aktyvisty čas ad času sutykajucca z pradstaŭnikami specsłužbaŭ na pracy, vučobie i ŭ vajenkamatach. U 2005 hodzie «maładafrontaŭcy», vychodziačy z ofisu źlikvidavanaj potym Minjustam partyi «Narodnaja hramada», sutykalisia z maładymi ludźmi ŭ cyvilnym ŭ dvary domu. Tyja pahražali junakam i dziaŭčatam surjoznymi prablemami ŭ žyćci, ale ŭ vypadku zhody na supracoŭnictva abiacali dapamohu na vučobie, karjerny rost i navat atrymańnie hrošaj i kvatery.
Tady «maładafrontaŭcy» nadrukavali na svaim sajcie numary telefonaŭ hetych supracoŭnikaŭ KDB, ich pasady i numary kabinietaŭ, u jakich tyja pracavali. U vyniku maładyja ludzi z «ksivami» źnikli z dvara domu.
Letaś studentaŭ, jakija vučacca pa prahramie Kastusia Kalinoŭskaha, vyklikali ŭ vajenkamaty, dzie ich čakali dla razmovy ludzi ŭ cyvilnym. Sioleta niepaŭnaletnich školnikaŭ naviedali słužbisty na vučobie i parazmaŭlali ź imi ŭ adsutnaść baćkoŭ. Jašče niekalki studentaŭ vyklikali na «prafiłaktyčnyja» razmovy ŭ dekanaty.
