Na płoščy Niezaležnaści siońnia prajšoŭ čarhovy mitynh, jaki, niahledziačy na niepahadź, sabraŭ tysiačy ŭdzielnikaŭ.
Nahadajem, u hety dzień, 29 hadoŭ tamu, 25 žniŭnia 1991 hoda Viarchoŭny Saviet Biełarusi pryniaŭ Kanstytucyjny zakon ab niezaležnaści našaj krainy.
Siońnia na płošču Niezaležnaści pryjšli deputaty, jakija ŭdzielničali ŭ pryniaćci Zakona ab niezaležnaści.
Na mitynh ludziej zaklikali Zianon Paźniak, Śviatłana Cichanoŭskaja, błohier Niechta.
_______________________________
19:52
19:39
19:15 Pierad prysutnymi pačali vystupać «deputaty niezaležnaści». Heta čalcy Apazicyi BNF u Viarchoŭnym Saviecie CHII sklikańnia Piotra Sadoŭski, Siarhiej Antončyk, Lavon Barščeŭski, Lavonci Zdanievič.
18:53 Siońnia viečaram u Minsku daždžlivaje nadvorje, mnohija ŭdzielniki stajać z parasonami.
18:45
«My tut ułada», — skandujuć ludzi.
18:39
U Čyrvonym kaściole znoŭ «nieviadomyja» adklučyli elektryčnaść. Tak było i padčas Maršu novaj Biełarusi 23 žniŭnia.
Heta maje vielmi praktyčny sens: u chramie adkryty dostup da kranaŭ z vadoj i tualetaŭ, inšych na Płoščy niama, kali nie ličyć kaviarań. I ludziam davodzicca ŭ ciemry, u sutareńniach padśviečvać tudy sabie darohu lichtarykami. 23 žniŭnia ŭ punkcie zboru 200-tysiačnaha Maršu ŭłady horada nie pastavili nivodnaha bijatualeta. Na 10-tysiačnym mitynhu łukašenkaŭcaŭ 16 žniŭnia ich stajali dziasiatki.
18:36
18:32 Karespandenty NN paviedamlajuć pra prablemy ź internetam u rajonie Płoščy.
18:30 La Čyrvonaha kaścioła ludzi pastavili mini-miemaryjał zahinułych padčas paślavybarnych pratestaŭ.
