Juryj Ravavy pierasiok miažu 24 žniŭnia ŭ 19.36. Ciapier jon znachodzicca ŭ Varšavie, piša Hrodna.life.
Juryj Ravavy 7 hadoŭ pracuje na «Hrodna Azot». U žniŭni 2020 jon byŭ naziralnikam na prezidenckich vybarach i ŭbačyŭ tam parušeńni. Paśla vybaraŭ jon staŭ lidaram strajkavaha ruchu i inicyjavaŭ stvareńnie strajkavaha kamiteta na pradpryjemstvie. Jon ža staŭ staršynioj strajkama.
19 žniŭnia pracoŭnyja «Azotu» zajavili, što źbirajucca pačynać strajk i spyniać niekatoryja cechi.
Ranicaj 21 žniŭnia ŭ adnym ź miesiendžaraŭ źjavilisia paviedamleńni ad Ravavoha pra sprobu jaho zatrymańnia kala internata. U vyniku Juryja nie zatrymali, jamu dapamahli paźbiehnuć hetaha kalehi.
Pa słovach Ravavoha, administracyja pradpryjemstva taksama pačała cisnuć na rabočych. Sam Juryj paśla sproby jaho zatrymańnia pad internatam chavaŭsia dva dni, a potym vyrašyŭ źjechać z krainy.
U vyniku strajk na «Hrodna Azot» tak i nie pačaŭsia.
