Styvien Stemkos atakuje bramu Vitala Kovala.
Start zbornaj Biełarusi na čempijanacie śvietu zavaliła. Strohija ekzamienatary z radzimy hulni — Kanady — razhramili našu kamandu.
Pierad pačatkam sustrečy ŭ šviejcarskim Kłatenie biełarusy akazalisia nie ŭ samym vyhadnym kadravym stanoviščy. Traŭmavany daśviedčany abaronca Alaksandr Makrycki, tolki za dźvie hadziny da hulni z Maskvy prylacieŭ Alaksiej Kalužny, u jakoha zachvareła dzicia, stała viadoma, što nie pryjeduć na dapamohu zbornaj braty Kaścicyny.
Jašče adnym intryhujučym momantam było toje, kaho pastavić Hlen Chenłan na bramu: Miezina ci Kovala? Trenier addaŭ pieravahu druhomu. Niekali biassprečny lider kamandy Miezin apynuŭsia na łaŭcy zapasnych.
Nie prajšło i sta siekund matču, jak 19‑hadovy kanadski vunderkind Styvien Stemkos adkryŭ lik. Potym jon ža vykarystaŭ kolkasnuju pieravahu i lik padvoiŭ.Uvohule, pieršy pieryjad prajšoŭ pry adnaznačnaj pieravazie paŭnočnaamierykancaŭ.
Tolki ŭ samym kancy pieryjadu biełarusy narešcie zmahli zakinuć šajbu. Paśla dobraj pieradačy Michaił Hraboŭski zakinuŭ šajbu ŭ pustyja varoty. Zrešty, nie doŭha doŭžyłasia ščaście. Finski refiery pajechaŭ hladzieć videaprahlad momantu, jaki pakazaŭ, što za imhnieńnie da kidka byli ssunutyja kanadskija varoty. Šajba nie zaličanaja.
Złyja hetym biełarusy z padvojnaj enierhija vyjšli paśla pierapynku. I druhi pieryjad zastaŭsia za im.
Jany dobra kambinavali, kidali pa varotach. Adnak na samym zaviaršeńni atak nie chapała niečaha, ci to siły kidka, ci to trapnaści, ci cudy ŭ ramcy rabiŭ 39‑hadovy Duejn Rołasan. Našym nie atrymałasia navat skarystać kolkasnuju pieravahu piać na try.
Nu a ŭ trecim pieryjadzie ŭžo pajšoŭ sapraŭdny adkryty chakiej. U im našmat bolš udačlivymi akazalisia kanadcy. Až čatyry razy jany zapalvali čyrvonaje śviatło za śpinaj Vitala Kovala. Dvojčy adznačyŭsia Deni Chitli.
Našych chapiła tolki na toje, kab raśpiačatać Rołasana.
Uziaćcie varot arhanizavali lehijaniery z NCHŁ. Rusłan Salej streliŭ, a Michaił Hraboŭski dabiŭ šajbu, zrabiŭšy lik 1:5. Potym kanadcy jašče raz zasmucili biełarusaŭ, na tym i razyšlisia — 1:6.
U druhim matčy Rasija razhramiła Hiermaniju — 5:0. Viečaram u našaj hrupie sustrenucca Słavakija i Vienhryja. Nastupny svoj matč na pieršynstvie kamanda Hlena Chenłana syhraje 26 krasavika sa słavakami. Pačatak hulni a 17:15.
