Premjer-ministr Litvy Saŭlus Skviarnialis zajaviŭ, što sankcyi ŭ adkaz, jakimi ŭ piatnicu pahražaŭ Litvie i Polščy Łukašenka, u pieršuju čarhu ŭdarać pa Biełarusi, piša Interfaks.
«Ciažka zrazumieć: nakolki treba čaplacca za ŭładu i nienavidzieć svoj narod, kab praz zakranutyja ambicyi vyrašycca škodzić svajoj dziaržavie i jaje hramadzianam», — skazaŭ Skviarnialis.
«Kali rašeńni, ab jakich siońnia kaža Łukašenka, buduć pryniatyja, jany ŭ pieršuju čarhu ŭdarać pa samoj Biełarusi», — dadaŭ jon.
Łukašenka ŭ piatnicu zajaviŭ, što hatovy ŭvieści sankcyi ŭ adkaz u dačynieńni da Litvy i Polščy, jakija płanujuć pryniać miery suprać uładaŭ Biełarusi praz padazreńni ŭ falsifikacyi vybaraŭ i dziejańniaŭ siłavych struktur suprać mirnych pratestujučych.
Jon dadaŭ, što Biełaruś nie budzie vykarystoŭvać party Litvy dla ekspartu svajoj pradukcyi.