Kala 14.00 28 žniŭnia ŭładalnik kramy «Cudoŭnia» Andrej Nieściarovič ubačyŭ, što dvoje nieznajomych jamu ludziej złamali dreŭka, na jakoj visić bieł-čyrvona-bieły ściah, i kinuli jaho na ziamlu. Jon pajšoŭ za imi. Praz 50 mietraŭ jon dahnaŭ nieviadomych i pryhraziŭ im milicyjaj, piša Hrodna.life.
Adzin ź nieviadomych pryhraziŭ kułakom uładalniku i nierazborliva pahražaŭ. Andrej razabraŭ tolki słova «fašyst». Skazali, što sami vykličuć milicyju. Andrej nabraŭ 102. U hety momant nieviadomyja pačali bić jaho pa hałavie i tułavie. Andrej adchinaŭsia ad udaraŭ. Sam nie biŭ napadnikaŭ.
Ludzi adciahnuli nieviadomych ad Andreja, jany syšli. Udary byli niamocnyja, vidavočnych paškodžańniaŭ u Andreja niama. Kala 14.05 uładalnik kramy paŭtorna vyklikaŭ milicyju. Supracoŭniki pryjechali kala 14.30.
Supracoŭnik milicyi skłaŭ pratakoł pa 17.1 KoAP — Drobnaje chulihanstva. Jon pieradaść spravu miascovamu ŭčastkovamu, jaki budzie ŭstaloŭvać napadnikaŭ. U pratakole fihuruje «paškodžańnie ŭłasnaści» i «bojka».
