Maryna Bunakova rodam z Chabaraŭska, była redaktaram «KP.RU u Chabaraŭsku», zatym pracavała ŭ asnoŭnym ofisie rasijskaj «Kamsamołki» ŭ Maskvie. 31 žniŭnia jana była pryznačanaja hałoŭnym redaktaram «KP u Biełarusi», paviedamlaje Tut.by.
Maryna Bunakova
«Heta była prapanova kirujučaj kampanii, pryniataja mnoj, jak adzin z varyjantaŭ umacavańnia redakcyi i vyvadu z kryzisu pradpryjemstva», — patłumačyła Natalla Haleźnik, hienieralny dyrektar ZAT «BiełKP-pres» — kampanii, jakaja vydaje biełaruskuju «KP».
Eks-hałoŭny redaktar vydańnia Andrej Laŭkoŭski, jaki kiravaŭ Biełaruskaj redakcyjaj bolš za 10 hadoŭ, zastajecca pieršym namieśnikam hałoŭnaha redaktara haziety.
Nahadajem, paśla vybaraŭ biełaruskaja «KP» pryśviaciła niekalki vypuskaŭ aśviatleńniu padziej, jakija adbylisia ŭ krainie. Niekalki numaroŭ vydańnia nie byli nadrukavanyja pad roznymi padstavami. Paśla vydańnie było nadrukavana ŭ Rasii, adnak uźnikli prablemy ź ich prodažam u kijoskach «Biełsajuzdruka» i z raspaŭsiudžvańniem pa padpiscy praz «Biełpoštu».
26 žniŭnia ŭ ZAT «BiełKP-pres» z pazapłanavaj pravierkaj pryjšoŭ dziaržkantrol, jaho supracoŭniki zajavili, što pravierka budzie doŭžycca da 6 kastryčnika.
