Dniom 13 vieraśnia ŭ Minsku pačalisia prablemy z mabilnym internetam.
Prablemy va ŭsich troch apierataraŭ — A1, MTS i life:) — pačalisia kala 14.45. Sajty albo nie adčyniajucca naohuł, albo ź vialikaj zatrymkaj pa časie (čakać davodzicca pa niekalki chvilin).
U pres-słužbie A1 tradycyjna prakamientavali situacyju tak: «U adpaviednaści z rasparadžeńniem ŭpaŭnavažanych dziaržaŭnych orhanaŭ 13 vieraśnia na terytoryi Minska źnižana prapusknaja zdolnaść mabilnaha internetu. Vykanańnie dadzienaha patrabavańnia viadzie da istotnaha paharšeńnia jakaści servisu pieradačy danych abo časovaj niedastupnaści pasłuhi. Ab adnaŭleńni karektnaha dostupu budzie paviedamlena, jak tolki heta stanie mahčymym. Spadziajemsia na chutkaje adnaŭleńnie absłuhoŭvańnia».
