Eks-kiraŭnik Ministerstva achovy zdaroŭja, a ciapier hubiernatar Hrodzienskaj vobłaści Uładzimir Karanik raskazaŭ, jakoj budzie druhaja chvala karanavirusa ŭ Biełarusi. Na jaho dumku, jana budzie mienš maštabnaj. Pra heta Karanik zajaviŭ u efiry telekanała ANT, piša TUT.by.
U intervju telekanału Uładzimir Karanik jašče raz paŭtaryŭ, što abranaja ŭładami Biełarusi taktyka baraćby z karanavirusam była pravilnaj.
— Ciapier navat na našych apazicyjnych sajtach pišuć, navat SAAZ pryznaje, što šviedski vopyt akazaŭsia najbolš racyjanalny. Ja razumieju, što mnohija pakul nie hatovyja pryznać, što Biełaruś pajšła viernym šlacham. Ale my z samaha pačatku kazali pra toje, što karancin svaju efiektyŭnaść nie dakazaŭ, — zajaviŭ eks-kiraŭnik Ministerstva achovy zdaroŭja.
Z nahody druhoj chvali COVID-19 Uładzimir Karanik raspavioŭ, što čakaje jaje mienš maštabnaj.
— My čakajem jaje mienš maštabnaj, tamu što ŭ hramadstvie sfarmavałasia imunnaja prasłojka i dosyć šmat ludziej, jakija asabliva ŭsprymalnyja da hetaha virusa, jany na jaho ŭžo pierachvareli i jany ŭžo majuć imunitet, — skazaŭ jon.
Nahadajem, pavodle apošnich źviestak Ministerstva achovy zdaroŭja, u Biełarusi pavodle stanu na 13 vieraśnia zarehistravali 74 173 čałaviek sa stanoŭčym testam na COVID-19. Pryrost za apošnija sutki skłaŭ 198 vypadkaŭ. Z pačatku raspaŭsiudžvańnia infiekcyi na terytoryi krainy pamierli 750 pacyjentaŭ (plus 6 čałaviek za minułyja sutki).
