Fota Dźmitryja Bruško, TUT.by
Pasoł Biełarusi ŭ Niderłandach Andrej Jeŭdačenka vystupiŭ za dyjałoh pamiž roznymi palityčnymi siłami ŭ Biełarusi i asudziŭ hvałt z boku siłavikoŭ. Svaju pazicyju pa situacyi ŭ Biełarusi dypłamat vykazaŭ niderłandskamu telekanału, piša TUT.by.
U intervju miascovamu telekanału Andrej Jeŭdačenka zajaviŭ, što ŭ Biełarusi naśpieła nieabchodnaść maštabnych reformaŭ. Dypłamat tłumačyć, što kraina znachodzicca pamiž sajuznaj Rasijaj, z adnaho boku, i Jeŭrapiejskim sajuzam, z druhoha.
— My na 95% ekanamična zaležnyja ad Rasii. Prydumać novy ściah ci novy himn davoli lohka, ale adnosiny z Rasijaj — samaja składanaja častka žadanych źmienaŭ, — kaža pasoł. Adnak dypłamat nie bačyć ich paśpiachovaj realizacyi pad kiraŭnictvam Śviatłany Cichanoŭskaj.
— Ja nie viedaju spadaryni Cichanoŭskaj, nikoli nie sustrakaŭ jaje. Jana, pavinna być, dobraja haspadynia. Ale majoj krainie patrebny inšy lidar —ź vialikim dośviedam.
Pasoł taksama zajaviŭ, što hatovy pryniać vybar biełaruskich hramadzian, kali bolšaść nie padtrymaje Alaksandra Łukašenku.
Hvałt nie moža być apraŭdanym, ličyć ambasadar. Jon paznačyŭ, što adkaznaść za hvałt niasuć siłavyja viedamstvy, a taksama dadaŭ, što pavinny być pryciahnutyja da adkaznaści i tyja, chto maje jakoje-niebudź dačynieńnie.
— Kali bolšaść nasielnictva Biełarusi ŭsio ž taki zachoča adstaŭki prezidenta? — zapytalisia ŭ pasła.
— Tady ja pasłuchaju ludziej, — adkazaŭ Jeŭdačenka.
