U MDŁU ŭvodziać prapuskny režym, ź siońnia achoŭvać i zabiaśpiečvać paradak va ŭniviersitecie buduć supracoŭniki Departamienta achovy MUS Partyzanskaha rajona, paviedamlajecca ŭ sacyjalnych sietkach univiersiteta.
«U metach harantyi biaśpiečnaha funkcyjanavańnia MDŁU i ŭ suviazi sa šmatlikimi prośbami baćkoŭ, supracoŭnikaŭ i studentaŭ rektarat pryniaŭ rašeńnie ab uviadzieńni prapusknoha režymu, jaki budzie zabiaśpiečvacca na ŭsich uvachodach i vychadach va ŭniviersitet», — napisaŭ rektarat.
Uvodzić prapuskny režym buduć paetapna.
Na pieršym etapie prajści va ŭniviersitet možna budzie pa studenckich biletach i paśviedčańniach supracoŭnikaŭ. Na zaklučnym etapie uviaduć elektronnuju prapusknuju sistemu.
Nahadajem, što 4 vieraśnia nieviadomyja žorstka zatrymlivali studentaŭ prosta va ŭniviersitecie, jakija śpiavali ŭ chole.
