Pucin i Łukašenka damovilisia, što pierakinuty na miažu Rasii i Biełarusi rezierv rasijskich siłavikoŭ budzie źniaty, ich adpraviać u miescy dysłakacyi. Rasija vydzielić Biełarusi 1,5 młrd dalaraŭ kredytu — roŭna stolki, kolki treba kab naša kraina paźbiehnuła defołtu pa raniejšych kredytach Rasii.
U Sočy zaviaršylisia pieramovy z udziełam Pucina i Łukašenki. Takim čynam, jany doŭžylisia kala 4 hadzin 20 chvilin.
«Važnym riezultatom pieriehovorov dvuch priezidientov v Soči stała dohovoriennosť o tom, čto Rośsija śnimajet riezierv pravoochranitielnych orhanov i nacionalnoj hvardii, kotoryj był sosriedotočien vblizi rośsijsko-biełorusskoj hranicy, i vyvodit ludiej v miesta postojannoj disłokacii», — paviedamiŭ pres-sakratar Kramla Dźmitryj Piaskoŭ.
U frahmiencie vykazvańniaŭ pierad kamierami Alaksandr Łukašenka akcentavaŭ uvahu Pucina, što situacyja ŭ Biełarusi kantralavanaja.
«Nie uproŝajuś, no s ułybkoj smotriu na to: u nas v subbotu marš žienŝin i dievušiek, a v voskriesieńje obŝij marš. V obyčnyje dni strana živiet obyčnoj žizńju. Da i v subbotu i voskriesieńje. Časť Minska my osvoboždajem dla toho, čtoby ludi mohli, jeśli u nich jesť žiełanije, projtiś», — havaryŭ Alaksandr Łukašenka.
«No hłavnoje, ja eto postojanno hovoriu, - nie pieriechodiť čiertu. Jesť krasnaja linija (vam tožie eto znakomo i iźviestno bolšie, čiem mnie, vam prišłoś eti linii čiertiť po Čiečnie prieždie vsieho, kohda vy stali jeŝie sovsiem mołodym priezidientom). Nie daj boh, koniečno, eto v Biełarusi. No tiem nie mienieje jesť opriedielennyje krasnyje linii, kotoryje nikto nie imiejet prava pieriechodiť. Poka eti krasnyje linii nikto nie narušał».
Jon taksama padkreśliŭ, što ŭ Biełarusi «nichto pałkami nie kidajecca».
Pa vynikach pieramoŭ pres-sakratar Pucina Piaskoŭ paviedamiŭ žurnalistam, što kiraŭniki dziaržaŭ «faktyčna siadzieli i čatyry hadziny havaryli sam-nasam», pieradaje RBK. «U pieršuju čarhu abmiarkoŭvali ekanamičnyja suviazi, handlova-ekanamičnuju kaapieracyju», — skazaŭ Piaskoŭ.
Pa słovach pres-sakratara, Pucin i Łukašenka damovilisia aktyvizavać rabotu mižuradavaj kamisii i pa linii klučavych halinovych pradpryjemstvaŭ. Akramia taho, jany damovilisia praciahnuć pracu pa padrychtoŭcy čarhovaha rasijskaha-biełaruskaha forumu rehijonaŭ.
Kiraŭniki dziaržaŭ damovilisia praciahnuć kantakty pa humanitarnaj śfiery i navukovych ustanovach. «Asobna spynilisia na ŭdziele Biełarusi ŭ trecim etapie testavańnia vakcyny «Sputnik V». Pucinym byli dadzieny ŭkazańni pa padrychtoŭcy pieršaj partyi pastavak dla Biełarusi», — paviedamiŭ jon.
«Pytańni pastavak enierhanośbitaŭ abmiarkoŭvalisia», — skazaŭ pradstaŭnik Kramla. Na pytańnie, jaki vynik hetych abmierkavańniaŭ, Piaskoŭ adznačyŭ: «Kanstruktyŭny».
A samym praktyčnym vynikam sustrečy stała toje, što Rasija vydzielić Biełarusi 1,5 młrd dalaraŭ kredytu. Heta roŭna stolki, kolki treba, kab naša kraina paźbiehnuła defołtu pa raniejšych kredytach Rasii, vypłaty pa jakich prypadajuć na kaniec hetaha hoda, i kab Minsk zmoh apłacić zapazyčanaść za rasijski haz. Takim čynam, kožny pracujučy biełarus siońnia staŭ vinavaty na 300 dalaraŭ bolš.
