Fota Darji Burakinaj
Lova z «Bi-2» vykazaŭsia ab situacyi ŭ Biełarusi i rastłumačyŭ, čamu hrupa pieraniesła minski kancert na hod. Pra heta jon raspavioŭ u intervju vydańniu «Trud».
Artyst skazaŭ, što ŭsio, što ciapier adbyvajecca ŭ Biełarusi, dla «jaho asabistaja trahiedyja. Dumaju, Łukašenka pavinien syści. Ja nikoli nie byŭ jaho prychilnikam, ale tut užo situacyja nadzvyčajnaja. Spadziajusia, nieŭzabavie jana vyrašycca. Prosta pryjšoŭ čas, nazad šlachu niama. Vybary byli biesprecedentna sfalsifikavanyja. Nievypadkova ludzi pačuli i padtrymali nas, a my — ich…»
Jon taksama patłumačyŭ farmuloŭku «ź mierkavańniaŭ biaśpieki», jakoj matyvavali pieranos minskaha kancerta hurtu na stadyjonie «Dynama». Mierapryjemstva, nahadajem, spačatku pieranieśli z-za karanavirusa z červienia na vierasień, a paśla znoŭ na červień, ale ŭžo 2021 hoda.
— My pieranieśli kancert ź mierkavańniaŭ biaśpieki, ale ciapier pahroza zychodzić užo bolš nie ad karanavirusa, a ad ułady: siońnia ŭ Biełarusi lubyja masavyja schody mohuć vyklikać jaje niepradkazalnuju i nieadekvatnuju reakcyju. I ad samoj publiki pastupali prośby ab pieranosie da lepšych časoŭ.
