Siońnia ŭ Minsku la Kamaroŭki pačaŭsia ŭžo tradycyjny Žanočy marš. Aktyŭnym žycharkam Minska sabracca pieraškadžali siłaviki, jakija padjazdžali da natoŭpu ŭ busach, vychoplivali vypadkovych udzielnikaŭ maršu, adbirali ściahi. Pravaabaroncy naličyli dziasiatki zatrymanych, siarod jakich i reparciorka «Našaj Nivy».
Brutalna zabrali ściah i ŭ Niny Bahinskaj, jakaja była siarod udzielnic akcyi. Jana kinułasia ratavać ściah — i jaje zatrymali.
Praź niejki čas ludzi zaŭvažyli spadaryniu Ninu na vulicy Kazłova — jaje prosta advieźli ad Kamaroŭki i adpuścili.
Zatrymali i hetaha mužčynu paśla jaho abureńnia dziejańniami ludziej u formie.
Niahledziačy na sproby siłavikoŭ razhrupavać natoŭp, ludziam udałosia sabracca ŭ kałonu, jakaja rušyła da praśpiekta. Padčas ruchu zatrymańni ŭ busy nie spynilisia, ludziej vychoplivajuć vypadkova.
«Što my vam zrabili?» — pytajucca žančyny ŭ siłavikoŭ.
Ale i na praśpiekcie ŭdzielnikaŭ maršu pierachapili siłaviki — šmat kamu daviałosia chavacca ŭ «Lido».
Žančyna čytaje «Ojča naš» na fonie aŭtazakaŭ.
Raźjadnanyja hrupki žančyn i dziaŭčat abapał praśpiekta abjadnalisia na płoščy pierad fiłarmonijaj, ich padtrymali vuličnyja muzyki ŭ pierachodzie.
Z busaŭ vysypali ludzi ŭ maskach, dziaŭčyny źbiehli ŭ dvary.
Zatrymali žurnalistku «Našaj Nivy» Kaciarynu Karpickuju. Taksama zatrymanyja žurnalistki TUT.BY i «Jeŭraradyjo».
