Miedyjatar Andrej Varotnik, jaki ŭ biełym chałacie z čyrvonym parasonam sustrakaŭ pratestoŭcaŭ na svaim padakońniku na praśpiekcie Niezaležnaści, zatrymany za adzinočny pikiet. U sieradu, 30 vieraśnia, jon kala hadziny stajaŭ la SIZA na Vaładarskaha z płakatam u padtrymku palittechnołaha Vitala Šklarava. Pakarańnie, jakoje vynies miedyjataru sud, — vosiem sutak aryštu, piša Tut.by.
Andrej Varotnik padčas adnoj z akcyj, što prachodzili na praśpiekcie Niezaležnaści. Fota Darji Burakinaj
30 vieraśnia kala troch hadzin dnia Andrej Varotnik vyjšaŭ na adzinočny pikiet da SIZA na vulicy Vaładarskaha. Na jaho płakacie było napisana: «Vyzvalicie zakładnika! Svabodu Šklaravu!».
— Kala 16.00 da jaho padjechali ludzi ŭ formie i pavieźli jaho ŭ Maskoŭskaje RUUS — raspavioŭ čytač.
Tut.by
Na Andreja skłali pratakoł pa č. 1 art. 23. 34 KaAP (Parušeńnie paradku arhanizacyi abo praviadzieńnia masavych mierapryjemstvaŭ). U čaćvier, 1 kastryčnika, jaho spravu raźbiraŭ sud Maskoŭskaha rajona Minska.
— Padčas pracesu Andrej nie admaŭlaŭ, što vyjšaŭ na pikiet, kab publična vykazać svajo mierkavańnie z nahody zatrymańnia Vitala Šklarava — raspavioŭ advakat Anton Hašynski. — Razhledzieŭšy jaho spravu, sudździa pryznačyła pakarańnie ŭ vyhladzie vaśmi sutak aryštu.
Vitala Šklarava, nahadajem, zatrymali 29 lipienia ŭ Homieli. Jamu pradjaŭlenaje abvinavačvańnie pa častcy 1 artykuła 342 KK (Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭnym udziele ŭ ich).