Zdareńnie adbyłosia 6 kastryčnika kala 19:00, paviedamlaje SK u svaim telehram-kanale.
50-hadovy mužčyna znachodziŭsia na adnoj ź dziciačych placovak. Tam jon staŭ chapać za ruki 5-hadovaha chłopčyka. Za dzicia stali zastupacca inšyja dzieci. Mužčynu heta nie spadabałasia, jon kinuŭ plašku ŭ hałavu 10-hadovamu chłopčyku. Dzicia špitalizavana ź ciažkaj traŭmaj.
Raspačataja kryminalnaja sprava pa č. 3 st. 147 (naŭmysnaje pryčynieńnie ciažkaha cialesnaha paškodžańnia). Mužčyna zatrymany.
Raniej jon nieadnarazova pryciahvaŭsia da kryminalnaj adkaznaści, a ŭ hety dzień tolki vyzvaliŭsia ź miescaŭ pazbaŭleńnia voli.
