Kolkaść udzielnikaŭ «Haładoŭki salidarnaści» u padtrymku palitźniavolenaha pradprymalnika Mikałaja Aŭtuchoviča pavialičvajecca. 8 traŭnia da maładafrontaŭcaŭ, što ŭvieś čas znachodziacca i haładujuć na Siadzibie BNF, dałučyŭsia aktyvist Salihorskaj filii Maładoha Frontu Illa Nahorny. 7 traŭnia haładoŭku raspačaŭ biełaruski hramadzki aktyvist Raman Bahdanovič, a taksama dva aktyvisty Biełaruska‑eŭrapiejskaha zadzinočańnia. Siabry BAZA abjavili ab haładoŭcy naŭprost nasuprać budynku Eŭrakamisii i Rady Eŭropy ŭ Bruseli. Pavodle kaardynatara BCHD pa Mienskaj vobłaści Leanida Skarabahataha, 5 traŭnia raspačała biesterminovuju haładoŭku jahonaja dačka Emilija. Sam Leanid Skarabahaty ŭ znak salidarnaści z haładoŭnikami 5 traŭnia pratrymaŭ suchuju haładoŭku. Takim čynam, na siońniašni momant «Haładoŭku salidarnaści» pravodziać 26 čałaviek.
