Kandydat u prezidenty ZŠA ad Demakratyčnaj partyi Džo Bajden apiaredžvaje ciapierašniaha kiraŭnika dziaržavy Donalda Trampa ŭ Piensilvanii, Fłarydzie, Aryzonie i, ź vialikim adryvam, u Viskonsinie, paviedamlaje The New York Times.
Bolšaja častka štataŭ ZŠA tradycyjna hałasujuć za demakratyčnuju abo Respublikanskuju partyju. Tamu vyrašalnaje značeńnie dla kampanii majuć kala dziesiaci štataŭ, u jakich u kandydataŭ prykładna roŭnyja šancy, piša RBK. Pavodle acenak The Cook Political Report, u 2020 hodzie takimi Štatami źjaŭlajucca Techas, Fłaryda, Džordžyja, Paŭnočnaja Karalina, Ahajo i Ajova. Situacyja jašče ŭ niekalkich štatach — Piensilvanii, Aryzonie, Nievadzie, Viskonsinie, Miniesocie, Mičyhanie i Ńju-Hempšyry — taksama źjaŭlajecca niavyznačanaj, adnak hetyja štaty schilajucca da demakratyčnaj partyi, vynikaje sa spravazdačy.
Taksama apytańnie vyjaviła hiendarny razryŭ pamiž kandydatami. Tak, u Aryzonie Tramp apiaredziŭ Bajdena siarod respandentaŭ-mužčyn, u toj čas jak apošni lidziravaŭ siarod žančyn. Akramia taho, Bajden ź vialikim adryvam apiaredžvaje Trampa siarod biełych vybarščykaŭ z vyšejšaj adukacyjaj, a ŭ Piensilvanii i Viskonsinie Bajden taksama značna lidziruje siarod pažyłych ludziej, paviedamlaje NYT.
U apytańni ŭziali ŭdzieł 1,4 tys. respandentaŭ u Fłarydzie, 1,8 tys. u Piensilvanii, 1,2 tys. u Viskonsinie i 1,2 tys. u Aryzonie.
Vybary prezidenta ZŠA adbuducca 3 listapada. Ich asablivaściu stanie toje, što z-za pandemii karanavirusa rekordnaja dola amierykancaŭ prahałasuje pa pošcie.
