7 listapada paśla 15 sutak aryštu na volu pavinna była vyjści nastaŭnica hieahrafii liceja № 1 Iryna Zacharčanka, adnak siońnia stała viadoma, što heta nie zdarycca. Žančynu znoŭ asudzili pa artykule 23.34 i dali jašče 15 sutak, paviedamlajuć Mocnyja naviny.
Siońnia ŭ sudzie Savieckaha rajona Irynu sudzili za toje, što jana 27 vieraśnia ŭ telehram-kanale «Fiestyvalny rajon horada Homiela» nibyta zaklikała da praviadzieńnia niesankcyjanavanaha mierapryjemstva. U pastanovie adznačajecca, što byŭ ahledžany mabilny telefon žančyny i znojdzienaja pierapiska, jakaja dakazvaje hety fakt. Iryna vinu nie pryznała, zajaviŭšy, što na mitynh nikoha nie zaklikała. Žančynu asudzili jašče na 15 sutak.
Jak stała viadoma Svabodzie, u adnym z rajonnych telehram-čataŭ jana napisała prapanovu pravieści subotnik na mohiłkach, dzie nichto nie prybiraje. Za heta jaje i zasudzili.
