Ab hetym zajaviŭ ministr zamiežnych spraŭ Rasii Siarhiej Łaŭroŭ u paniadziełak u telefonnaj razmovie ź dziejnym staršynioj ABSIE premjer-ministram Ałbanii Edzi Ramam.
«Pry abmierkavańni situacyi ŭ Biełarusi Siarhiej Łaŭroŭ adznačyŭ, što zapusk maskoŭskaha miechanizma adnosna Minska jašče bolš abmiežavaŭ mahčymaści ABSIE kanstruktyŭna sadziejničać dyjałohu ŭład Biełarusi i apazicyi, — padkreślili ŭ rasijskim zamiežnapalityčnym viedamstvie. — Vysnovy dakładčyka Volfhanha Bieniedeka — praduziatyja i nieprafiesijnyja. Aŭtar dazvoliŭ sabie niedapuščalnyja palityzavanyja rekamiendacyi, jakija vychodziać daloka za ramki paŭnamoctvaŭ i kampietencyi instytutaŭ i miechanizmaŭ arhanizacyi. Na hetym prykładzie stali jašče bolš vidavočnymi dvajnyja standarty, jakija razburajuć davier da ABSIE».
