Juryj Vaskrasienski choča arandavać pamiaškańnie na Charužaj, 25/1, dzie znachodziŭsia štab Babaryki, i pravodzić strymy na jaho miescy.
Hetaja infarmacyja stała viadomaja ŭ dzień vychadu ź izalatara Ihara Aniščanki, suzasnavalnika hrupy kampanij «Biełciažmaša», jakim i naležyć pamiaškańnie — damova z abjadnanym štabam była razarvanaja peŭny čas tamu.
Svoj intares da arendy «Našaj Nivie» paćvierdziŭ sam Vaskrasienski.
«Namier jość, jaho treba aformić jurydyčna. [Ja rablu heta] z metaj arhanizacyi nacyjanalnaha dyjałohu hramadska-palityčnych sił», — skazaŭ Vaskrasienski.
Na pytańnie, ci budzie vieści strymy na miescy Babaryki, jon adkazaŭ:
«Chto viedaje, mahčyma i razam».
Na pytańnie, čamu jon vybraŭ mienavita hetaje pamiaškańnie, Vaskrasienski nie adkazaŭ.
