Pra heta padčas pres-kanfierencyi raskazaŭ suzasnavalnik kampanii Alaksiej Lavončyk, paviedamlaje Radyjo Svaboda.
Paviedamleńni pra śpisańnie sumaŭ dapamohi, atrymanych paciarpiełymi padčas akcyj pratestu, stali źjaŭlacca ŭ aŭtorak 10 listapada. Pieršapačatkova havaryłasia pra dziasiatki zabłakavanych rachunkaŭ, albo śpisanych bankam sum.
Na pres-kanfierencyi 12 listapada suzasnavalnik kampanii By_Help Alaksiej Lavončyk paviedamiŭ, što havorka idzie pra sotni vypadkaŭ.
«Na dadzieny momant vielmi prykładnaja acenka — heta 500-600 vypadkaŭ, — paviedamiŭ Lavončyk. — Havorka idzie pra hrošy, jakija pieravodzilisia na pryvatnyja rachunki paciarpiełych z majho asabistaha bankaŭskaha rachunku».
Lavončyk taksama raskazaŭ, što ŭ niekatorych vypadkach nie tolki śpisvalisia sumy dapamohi, ale i błakavalisia bankaŭskija rachunki paciarpiełych padčas pratestaŭ. U tym liku tyja, na jakija nie prychodziła dapamoha.
SK prakamientavaŭ błakiroŭku rachunkaŭ z-za ByHelp. Alaksiej Lavončyk pryznany padazravanym pa kryminalnaj spravie
