Hałoŭnaja słavutaść Naroŭli — pałac Horvataŭ — pradadzienaja na elektronnych tarhach na placoŭcy «BUTB — Majomaść», paviedamiŭ BIEŁTA pres-sakratar Biełaruskaj univiersalnaj tavarnaj biržy Raman Janiŭ.
Denis Serakov via Wikimedia Commons
«Pakolki na tarhi zarehistravaŭsia tolki adzin udzielnik, cana prodažu adnaho z najpryhažejšych pałacava-parkavych ansamblaŭ biełaruskaha Paleśsia skłała Br53 357,63 (pačatkovy košt plus 5%). Pakupnikom pałaca stała jurydyčnaja asoba. Na žal, pakul dakładna nieviadoma, jak novy ŭładalnik pastupić z pomnikam architektury XIX st. Tak ci inakš, zhodna z umovami elektronnych tarhoŭ, budynak pałaca i ziamielny ŭčastak, na jakim jon raźmiaščajecca, pavinny vykarystoŭvacca dla raźmiaščeńnia abjektaŭ hramadskaha charčavańnia abo turyzmu», — raspavioŭ Raman Janiŭ.
Raniej miascovyja ŭłady ŭžo nieadnarazova sprabavali pradać pałac Horvataŭ na tradycyjnym hałasavym aŭkcyjonie, ale ni adna sa sprob nie ŭviančałasia pośpiecham. Znajści pakupnika ŭdałosia tolki dziakujučy elektronnym tarham.
