Dziasiatki tysiač minčukoŭ vyjšli na vulicy pamiaci zamučanaha Ramana Bandarenki.
Fota: Tut.by.
Siłaviki nie dali sfarmavacca kałonam, ale demanstranty ściakalisia pa dziasiatkach vulic, a aŭtamabilisty zapałanili horad sihnałami.
Žychary zachodnich i paŭnočnych kvartałaŭ Minska stali śviedkami dramatyčnych scen.
Suprać demanstrantaŭ u Minsku ŭžyvali śviatłošumavyja hranaty i ślezaciečny haz. Jość paranienyja.
Kolkaść zatrymanych, pa najaŭnaj infarmacyi, pieravysiła 1000 čałaviek.
Pratesty znoŭ achapili ŭsiu Biełaruś: vyjšli Homiel, Viciebsk, Hrodna, Baranavičy, Lida, Salihorsk, Maładziečna, Žodzina dy inšyja harady.
Bližej da viečara siłaviki razhramili miemaryjał Ramana Bandarenki na Płoščy Pieramien…
…i zładzili abłavu ŭ kvartale vakoł jaje.
U hety momant jany praciahvajuć vobšuki placovak i kvater u navakolnych damach.
Viadoma, što siarod zatrymanych siońnia — dva vybitnyja ankołahi z RNPC imia Alaksandrava, u tym liku namieśnik dyrektara centra, i viadomy vydaviec Barys Pastarnak.