U milicyju źviarnuŭsia 20-hadovy žychar Baranavič i raskazaŭ, što paznajomiŭsia ŭ internecie z 14-hadovaj dziaŭčynkaj (padčas znajomstva školnica pradstaviłasia 17-hadovaj), ź jakoj abmieńvaŭsia intymnymi fatahrafijami. Praź niejki čas dziaŭčynka raspaviała pra heta svaim adnakłaśnikam, jakija vyrašyli zarabić na hetym i pačali šantažavać chłopca. Jany zapatrabavali hrošy za nieraspaŭsiudžvańnie jaho zdymkaŭ, paviedamlaje milicyja.
Padletki asabista sustrakalisia z achviaraj, kab zabrać hrošy, albo nazyvali miesca, dzie možna ich pakinuć. Haradžanin straciŭ 950 dalaraŭ, a kali zapytali jašče 1100 dalaraŭ, jon źviarnuŭsia ŭ milicyju.
Niepaŭnaletnich zatrymali padčas pieradačy kanvierta. Padazravanymi akazalisia dvoje chłopčykaŭ i adna dziaŭčynka (14 i 15 hadoŭ).
Atrymanyja hrošy padletki paśpieli zmarnavać.
