U ŚMI źjaviłasia infarmacyja ab tym, što Kaardynacyjnaja rada biełaruskaj apazycyi bolš nia dziejničaje, stvoranaja novaja rada, imiony siabraŭ jakoj trymajucca ŭ tajamnicy dla ich abarony, piša «Svaboda».
Pra heta ŭ pryvatnaści sa spasyłkaj na nobeleŭskuju laŭreatku Śviatłanu Aleksijevič, jakaja źjaŭlajecca siabraj Prezydyjumu Kaardynacyjnaj rady, napisała niamieckaje vydańnie Spiegel, jakuju paźniej pracytavali rasiejskija ŚMI.
«Kaardynacyjnaj rady apazycyi bolš niama. Jaje siabry albo byli, albo znachodziacca ŭ turmie, byli vyhnanyja z krainy abo ŭciakli. Stvoranaja novaja rada, imiony jaje siabraŭ trymajucca ŭ sakrecie dla ich biaśpieki. Znosiny viaducca praz sacyjalnyja sietki», — cytujuć Aleksijevič.
U interviju «Svabodzie» Aleksijevič abvierhła hetuju cytatu.
«Heta hłupstva, heta zusim nia tak, — skazała Aleksijevič. — Šmat novych ludziej zapisvajecca ŭ Kaardynacyjnuju radu, jość tam kiroŭny orhan. Uvieś naš ruch praciahvaje pracu. I tam źjavilisia novyja ludzi, jak Bahracoŭ. I inšyja ludzi tudy ŭvachodziać, ale ich imiony nie ahučvajucca».
