Fota Alaksandra Rumina, TASS
Premjer-ministr Armienii Nikoł Pašynian zajaviŭ, što moža adpravicca ŭ adstaŭku tolki pa vynikach novych vybaraŭ, piša TASS.
Pa słovach kiraŭnika armianskaha ŭrada, jon budzie sumlenna vykonvać svaje abaviazki da momantu, pakul hramadzianie nie zapatrabujuć jaho sychodu pa vynikach hałasavańnia. «Ja mahu admovicca ad statusu, dadzienaha mnie ludźmi, tolki na padstavie nadziejnych vynikaŭ volevyjaŭleńnia naroda», — skazaŭ Pašynian.
Raniej u Armienii pačalisia akcyi pratestu paśla taho, jak Pašynian razam z Uładzimiram Pucinym i Ilchamam Alijevym pryniaŭ zajavu ab spynieńni ahniu ŭ Nahornym Karabachu i pieradačy šerahu jaho terytoryj pad kantrol Baku. Paśla hetaha apazicyjnyja partyi nazvali premjera zdradnikam. Jany zaklikali ŭłady Armienii pravieści daterminovyja parłamienckija vybary. Hetaje patrabavańnie padtrymaŭ taksama prezident Armien Sarkisian.
Razam z tym ekśpierty miarkujuć, što rejtynh Pašyniana vyšejšy, čym usich hetych 16 palitykaŭ. Taksama nichto z apazicyi nie prapanuje ŭ zamiežnaj palitycy ničoha kardynalna adroznaha ad idej Pašyniana.
