Da kamandy Paŭła Łatuški ŭ Narodnym antykryzisnym ŭpraŭleńni (NAU) dałučyŭsia były čynoŭnik z Rady biaśpieki ekanamist Jaŭhien Bury.
Pra heta paviedamlaje telehram-kanał NAU.
U Jaŭhiena Buraha dźvie vyšejšyja adukacyi: ekanamičnaja i jurydyčnaja. Jon skončyŭ Biełaruski dziaržaŭny ekanamičny ŭniviersitet, a taksama Akademiju kiravańnia. U dziaržaŭnym sakrataryjacie Rady Biaśpieki pracavaŭ daradcam pa pytańniach ekanamičnaj biaśpieki, členam i sakratarom Mižviedamasnaj kamisii pa biaśpiecy ŭ ekanamičnaj śfiery.
Maje kiraŭničy dośvied pracy ŭ śfiery vysokich technałohij: u pryvatnaści, u raspracoŭcy i prasoŭvańni finansavych IT-praduktaŭ. Hłyboka vyvučaŭ pytańni pravavoha rehulavańnia zamiežnych inviestycyj, ekspartu biełaruskaj pradukcyi ŭ Rasiju, upłyvu prablem ekałohii na strymlivańnie ekanamičnaha rostu.
