17 śniežnia a 20:00 adbudziecca premjera interaktyŭnaha jutub-šou «Hodny dvor». U anłajn-farmacie biełarusaŭ zaprašajuć dałučycca da dvarovaj anłajn-sustrečy, kab adčuć atmaśfieru Novaj Tradycyi Biełarusi-2020. U pieršym vypusku ŭdzielniki atrymajuć parady pa pieramohach u dvarovych hulniach ad Hanny Bond, padyskutujuć ź biznesoŭcam Paŭłam Biełavusam i stančać pad vystup hurta Raźbitaje Serca Pacana. A taksama paznajomiacca z pradstaŭnikami aktyŭnych dvaroŭ Biełarusi. Viadoŭcami šou buduć pijar-mieniedžarka Ščučynščyny — Alena Zuj-Vajciechoŭskaja i gonzo-biełarus Anton Martynienka.
Sustreča projdzie anłajn tut: https://youtu.be/7C-kH-yfrtw.
Padziei 2020 hoda pakazali, što biełarusy hatovyja samastojna raźvivać łakalnyja supolnaści i brać inicyjatyvu ŭ svaje ruki. Adkaznaść za miesca, u jakim žyvieš — asnova zdarovaj hramadzianskaj supolnaści i prykmieta stałaj nacyi. Šou «Hodny dvor» — heta pryznańnie siły dvarovych aktyŭnaściaŭ.
«Hodny dvor» — prastora dla «lampavych» sustreč. Štočaćvier płanujucca hutarki z vybitnymi biełarusami, natchnialnyja live-kancerty i ŭtulnaja atmaśfiera žyvych čataŭ. Karancinnyja abmiežavańni tut nie dziejničajuć, a marazy nie strašnyja. Ciopła, biaśpiečna i ŭ kampanii svaich ludziej.
Haściam možna budzie nie tolki zadać pytańnie, ale i paprasić pieradać pryvitańnie, pračytać vieršyk ci raspavieści aniekdot. A što adbudziecca na nastupnych sustrečach — vyrašać sami hledačy i ŭdzielniki.
Kab nie prapuścić hetuju i inšyja sustrečy, kampanija «Hodna» rekamienduje padpisacca na jutub-kanał: https://www.youtube.com/c/hodnaby.
Usie naviny pa prajekcie buduć publikavać u sacyjalnych sietkach:
