b-g.by
Ranicaj 23 śniežnia ŭ redakcyju «Bresckaj haziety» pryjšła milicyja, kab aznajomić hałoŭnaha redaktara Viktara Marčuka z «zaprašeńniem» u prakuraturu dla dačy tłumačeńniaŭ pa videaroliku «Zvarot hramadzian Bresta, zaniepakojenych eskałacyjaj hvałtu ŭ Biełarusi», paviedamlaje vydańnie.
Sfatahrafavać «zaprašeńnie», padpisanaje namieśnikam prakurora Bresta Arciomam Ralinskim, hałoŭnamu redaktaru nie dazvolili.
Viktar Marčuk pavinien źjavicca ŭ prakuraturu siońnia da 17.00.
«Ja nie pieršy i, napeŭna, nie apošni, kaho vyklikajuć z nahody hetaha videarolika. Ničoha tam supraćzakonnaha niama, inakš by ja ŭ im nie zdymaŭsia. Ale ciapier ułada pracuje ŭ režymie začystki ŭsich i ŭsia, kamu nie padabajucca ich dziejańni i chto publična pra heta zajaŭlaje. A moj udzieł u hetym roliku — heta naturalnaja reakcyja narmalnych ludziej na toje, što adbyvajecca, vyjaŭlenaja publična z vykarystańniem sučasnych technałohij i kanałaŭ raspaŭsiudžvańnia», — prakamientavaŭ situacyju hałoŭny redaktar.
