Dźvie kampanii Dana Holdings syduć z rynku. Pra heta havorycca ŭ rekłamnym materyjale, raźmieščanym ad imia jašče adnoj kampanii chołdynhu «Dana Astra».
«Kompleks «Majak Minska» pabudavany, «Park Čaluskincaŭ» budzie zdadzieny ŭžo ŭ nastupnym hodzie — na hetym kampanii «Emirejts Blu Skaj» («Zomieks») i «Dubaj Voter Front» («Bielinteroba») zaviaršajuć svaju dziejnaść u Biełarusi pa budaŭnictvie i pryciahnieńni inviestycyj», — havorycca ŭ rekłamie.
Ni «Emirejts Skaj Blu», ni «Dubaj Voter Front» nie značacca ŭ śpisach kampanij z «Dana Chołdynhz», jakija trapili pad sankcyi. Tam ukazana jak raz taki «Dana Astra», jakaja zastajecca.
Tamu naŭrad ci spynieńnie kampanijami «Emirejts Skaj Blu» i «Dubaj Voter Front» dziejnaści pa budaŭnictvie niejak adabjecca na situacyi ŭ halinie.
Kampanija «Dana Chołdynhz/Dana Astra» była ŭniesiena ŭ sankcyjny śpis Jeŭrasajuza ŭ śniežni z-za mierkavanych ciesnych suviaziaŭ z Alaksandram Łukašenkam.