Aleś Małčanaŭ.
Pra namier vyjści na MKAD Aleś papiarednie napisaŭ u svaim fejsbuku.
«Jak ja zrazumieła, jon tam prastajaŭ niekalki hadzin. Bo Saša pateliŭ mnie niedzie a pałovie na pieršuju nočy ŭžo z Frunzienskaha RUUSa, raspavioŭ pra svajo zatrymańnie, — kaža jaho siabroŭka, aktrysa Palina Dabravolskaja. — Paśla jon pierastaŭ vychodzić na suviaź. Užo ŭ RUUSie mnie paviedamili, što jon zatrymany da suda. Na žal, my nie paśpieli na sam sud, bo da apošniaha nie viedali, a katoraj jon budzie. My tolki ŭžo ŭbačyli kančatkovy prysud, tamu i nie viedajem, jak išoŭ sam praces».
Palina ličyć, što na taki krok Aleś vyrašyŭsia, bo ŭžo nie moh bolš maŭčać i chacieŭ čarhovy raz paznačyć svaju pazicyju.
Aleś Małčanaŭ — były kupałaviec. Viadomy svaimi rolami ŭ filmach «Žyvie Biełaruś», «Masakra», karatkamietražkach «Jahor» (pa matyvach «Radziva Prudok» Andreja Horvata), «Voziera radaści» (pa adnajmiennamu ramanu Viktara Marcinoviča). Z apošniaha — hraŭ u śpiektakli «Prymityvy» pra žyćcio Aleny Kiš.
