Prezident Turkmienistana Hurbanhuły Bierdymuchamiedaŭ vykazaŭ zdahadku, što korań sałodki (Glycyrrhíza) moža być efektyŭnym lekam u baraćbie z karanavirusam. Bierdymuchamiedaŭ raspavioŭ pra karyść hetaha korania, vystupajučy na pasiadžeńni ŭrada 25 śniežnia, paviedamlaje Radyjo Svaboda.
Bierdymuchamiedaŭ raspavioŭ, što čatyry z 15 vidaŭ korania rastuć na terytoryi Turkmienistana. Jon adznačyŭ vysokaje ŭtrymańnie ŭ korani hetaj raśliny hlicerryzinavaj kisłaty i daručyŭ Akadiemii navuk krainy «staranna vyvučyć» i inšyja karysnyja ŭłaścivaści korania.
Kiraŭnictva krainy dahetul nie paćvierdziła faktaŭ zaražeńnia COVID-19 na svajoj terytoryi. Pry hetym Turkmienistan płanuje zakupić rasijskuju vakcynu ad karanavirusa.
Aŭtar šmattomnika «Lekavyja raśliny Turkmienistana» Hurbanhuły Bierdymuchamiedaŭ u sakaviku zajaviŭ pra karyść dymu harmały, saksauła, a taksama łokšyny ź piercam u jakaści prafiłaktyki karanavirusa.
