Z 1 studzienia pavysiać taryfy na elektraenierhiju — pryčym jak dla tych, u kaho hazavyja plity, tak i dla tych, u kaho elektryčnyja. Rost składzie ŭ siarednim kala 10%.

Dla tych, u kaho hazavyja plity, taryf vyraście da 0,2092 rubla za kVt·h (ciapier — 0,1901 rubla), dla tych, u kaho elektryčnyja — da 0,1778 rubla za kVt·h (ciapier — 0,1616 rubla). Heta značyć, rost składzie kala 10%.

U Biełarusi jašče ŭ 2019 hodzie admianili limity na elektraenierhiju pa abjomach spažyvańnia. Heta značyć, što niezaležna ad taho, kolki kVt*h čałaviek spažyvaje — 150, 250 abo bolš, jon płacić za ich pa adnym taryfie, nahadvaje Tut.by.

Taksama isnujuć taryfy na elektraenierhiju pa časie sutak.

Dla tych kvater, u jakich ŭstanoŭlena elektraplita, taryf pa dvuch časovych pieryjadach z 1 studzienia vyraście ŭ siarednim na 10%: z 22.00 da 17.00 — da 0,1245 rubla za kVt*h (ciapier — 0,1131 rubla), z 17.00 da 22.00 - da 0,3556 rubla za kVt*h (ciapier — 0,3232 rubla). 

Taryf na elektraenierhiju pa troch časavych pieryjadach (havorka pra kvatery z elektraplitami) z 1 studzienia budzie składać: z 23.00 da 6.00 — 0,1067 rubla za kVt·h (ciapier — 0,097 rubla), z 17.00 da 23.00 — 0,32 rubla (ciapier — 0,2909 rubla), astatni čas sutak — 0,1245 rubla (ciapier — 0,1131 rubla). Heta značyć, nočču elektryčnaść tańniej za ŭsio pry hetym varyjancie. Možna vybrać taryf na svajo mierkavańnie.

Vyrastuć taksama taryfy dla kvater z hazavymi plitami pa časie sutak pa hadzinnych pieryjadach. Taryf pa dvuch hadzinnych pieryjadach z 1 studzienia pavialičycca: z 22.00 da 17.00 — da 0,1464 rubla za kVt·h( ciapier-0,1331 rubla), z 17.00 da 22.00 — da 0,4184 rubla za kVt·h (ciapier — 0,3802 rubla). Taryf pa troch hadzinnych pieryjadach z 1 studzienia budzie składać: z 23.00 da 6.00 — 0,1255 rubla za kVt·h (ciapier — 0,1141 rubla), z 17.00 da 23.00 — 0,3766 rubla (ciapier — 0,3422 rubla), astatni čas sutak — 0,1464 rubla (ciapier — 0,1331 rubla).

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?