Fota Nadziei Bužan

Što adbyłosia?

Imia Andreja Biekiša stała viadomym u lipieni 2020 hoda. Błohier Ściapan Puciła apublikavaŭ u svaim telehram-kanale videa taho, jak apranuty ŭ cyvilnaje Biekiš padskokvaje da adnaho z zatrymanych pratestoŭcaŭ sa śpiny i niekalki razoŭ bje jaho.

Dla lipienia heta było jašče dziva — tamu praź niekalki dzion «Naša Niva» apublikavała tekst z raspoviedami adnakłaśnikaŭ amapaŭca pra toje, jakim jon byŭ u dziacinstvie.

Što nie spadabałasia amapaŭcu? U Biekiša pretenzii da niekalkich fraz aŭtara, naprykład, pra toje, što jon «ź vialikim impetam źbivaŭ pratestoŭcaŭ». Aproč taho, jon pierakonvaŭ, što jaho adnakłaśniki nie kazali nastupnaje: «jakim ža treba być bajaźliŭcam, kab takoje rabić…», «u jaho zdaralisia niejkija zaskoki», «pavinien ža ja viedać, ci padavać jamu ruku». Byli pytańni i da nastupnaj historyi: «Pamiataju, jak na ŭroku fizkultury ja źbirała miačyki paśla ŭroka, a jon padyšoŭ da mianie i prosta ŭdaryŭ pad dych. U mianie až u vačach paciamnieła».

Što kazała «Naša Niva»?

Niekatoryja frazy ŭ tekście — heta mierkavańnie čałavieka, harantavanaje Kanstytucyjaj. Lubaja asoba moža abirać, ci padavać niekamu ruku ci nie, aceńvać ci nie aceńvać kahości jak bajaźliŭca.

Inšyja frazy paćviardžajucca faktami — usia Biełaruś bačyła, jak Biekiš źbivaŭ demanstranta, jaki nie supraciŭlajecca. Aproč taho, adna z adnakłaśnic amapaŭca pryjšła ŭ sud i paćvierdziła, što mienavita jaje biŭ u žyvot Andrej — heta było ci to ŭ piatym, ci to ŭ siomym kłasie.

Dyj «pakuty» Biekiša nie padmacavanyja ničym — suma ŭziataja sa stoli.

***

«Naša Niva» budzie vymušanaja spłacić hetyja hrošy — kali ihnaravać rašeńnie suda, sumu rana ci pozna śpišuć z rachunka Redakcyi. Amapaviec Biekiš śćviardžaje, što nie pakinie hrošy sabie, a pieraviadzie na dabračynnaść. Što ž, Boh jamu sudździa.

Tym nie mienš «Naša Niva» prosić čytačoŭ dapamahčy z vypłataj «kampiensacyi».

Padtrymać Redakcyju možna dvuma sposabami:

1. Apłata praz ARIP ź luboj biełaruskaj kartki: Błahotvoritielnosť, obŝiestviennyje objedinienija — Prośvietitielskije, kulturno-dosuhovyje — Sorodiči. Albo numar pasłuhi 4346851

2. Pieraličyć hrošy praz Kłub Našaj Nivy. Treba zarehistravacca praz sacsietki ci hmejł, vybrać Hibki płan i lubuju sumu (na fota).

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?