Śledčy kamitet Rasii raspačaŭ kryminalnuju spravu ab machlarstvie ŭ asabliva bujnym pamiery ŭ dačynieńni da palityka Alaksieja Navalnaha. Ab hetym paviedamlajecca na sajcie viedamstva.
Pa viersii SK Rasii, Navalny patraciŭ na asabistyja mety častku z achviaravańniaŭ dla jaho fondu i inšych niekamiercyjnych arhanizacyj.
Pavodle źviestak śledstva, Navalny, źjaŭlajučysia faktyčnym kiraŭnikom nazvanych arhanizacyj, dziejničajučy sumiesna ź inšymi asobami, vydatkavaŭ bolš za 356 miljonaŭ rasijskich rubloŭ (4,81 miljona dalaraŭ ZŠA) na asabistyja mety — nabyćcio asabistaj majomaści, materyjalnych kaštoŭnaściaŭ i apłatu vydatkaŭ (u tym liku adpačynku za miažoj). Takim čynam, sabranyja ad hramadzian srodki byli vykradzienyja.
Sam Navalny, kamientujučy paviedamleńnie SK ab zaviadzieńni spravy, napisaŭ u tvitary: «Pucin, padobna, prosta bjecca ŭ isterycy».
