Brytanskija ŭłady ŭchvalili dla miedycynskaha prymianieńnia vakcynu ad karanavirusa, raspracavanuju Oksfardskim univiersitetam i kampanijaj AstraZeneca. Brytanija stała pieršaj krainaj u śviecie, jakaja ŭchvaliła preparat ad AstraZeneca, piša Bi-bi-si.
Brytanija zamoviła 100 młn doz, i hetaha budzie dastatkova, kab achapić 50 młn čałaviek. Z ulikam zamovy na vakcynu kampanij Pfizer i BioNTech kolkaści doz chopić dla ŭsiaho nasielnictva krainy.
Vakcyna była raspracavanaja ŭ pačatku 2020 hoda, a vyprabavańni na pieršym dobraachvotniku adbylisia ŭ krasaviku. Zatym u testavańni ŭziali ŭdzieł tysiačy ludziej.
U adroźnieńnie ad vakcyny Pfizer i BioNTech, jakoj dla zachoŭvańnia patrabujecca tempieratura nie vyšej za -70 hradusaŭ Celsija, vakcynu ad AstraZeneca možna zachoŭvać u zvyčajnym chaładzilniku, tamu jaje budzie praściej transpartavać.
AstraZeneca paviedamiła, što zmoža zabiaśpiečvać da 2 młn doz vakcyny na tydzień. U Brytanii z pačatku masavaj vakcynacyi byli pryščeplenyja bolš za 600 tys.čałaviek.
Premjer-ministr Borys Džonsan nazvaŭ stvareńnie vakcyny tryumfam brytanskaj navuki.
