RBK-Ukraina
Ministerstva achovy zdaroŭja Ukrainy zaklučyła kantrakt na pastaŭku vakcyny ad COVID vytvorčaści kitajskaj kampanii Sinovac Biotech. Pa ŭmovach kantrakta 1,9 młn doz vakcyny pavinny pastupić u maksimalna karotkija terminy, piša RBK Ukraina.
Paviedamlajecca, što vakcynavać kitajskim preparatam buduć biaspłatna. Pryščepki buduć rabić ukraincam z hrup ryzyki i tym, chto zadziejničany ŭ baraćbie z pandemijaj karanavirusa.
Charakterna, što vakcyna jašče nie prajšła rehistracyju ni ŭ Kitai, ni ŭ inšych krainach.
Adnak Sinovac Biotech źjaŭlajecca najbujniejšaj kitajskaj kampanijaj pa vytvorčaści vakcyn. Štohod jana vyrablaje ad 300 da 500 młn doz vakcyn, jakija ŭchvalenyja ŭ 34 krainach śvietu. U pryvatnaści, kampanija raspracavała i vyvieła na rynak vakcyny suprać hiepatytu A i V, virusaŭ hrypu, uklučajučy ptušyny, paratytu.
Rašeńnie ab zakupcy vakcyny Sinovac Biotech suprać COVID-19 raniej pryniała Turcyja. Na studzień 2021 hoda płanujecca ŭchvaleńnie hetaj vakcyny ŭ inšych krainach.
