Akreścina / Jeŭraradyjo.
Dvuch chłopcaŭ zatrymali 28 śniežnia kala minskaha izalatara ŭ zavułku Akreścina. Jany pryjšli tudy sustrakać kaleh, jakija vyzvalalisia ź izalatara časovaha ŭtrymańnia, piša Jeŭraradyjo.
Chłopcy trymali ŭ rukach biaskryŭdny płakat z pryvitańniem. Adnak supracoŭnikam CIP «nie spadabałasia, što jany zanadta radavalisia». Vynik — pajezdka ŭ RUUS dla afarmleńnia pratakoła za ŭdzieł u niesankcyjanavanym mierapryjemstvie. Tak u izalatary apynulisia tyja, chto sustrakaŭ vyzvalenych ź izalatara.
Jak stała viadoma Jeŭraradyjo, i vyzvalenyja paśla 15 sutak, i zatrymanyja pracujuć u IT-kampanii «Eksadeł». Pradstaŭnica kampanii Natalla nieachvotna kamientuje Jeŭraradyjo infarmacyju pra zatrymanych kaleh:
— Vy ž razumiejecie, što heta prafiesijnaja infarmacyja, i my nie majem prava jaje vydavać.
Jeŭraradyjo: Mahčyma, u dačynieńni da vašych supracoŭnikaŭ byli ździejśnieny supraćpraŭnyja dziejańni z boku siłavikoŭ. Vy chiba nie zacikaŭleny ŭ aśviatleńni takoj situacyi?
— Viedajecie, jość dzialeńnie: asabistyja adnosiny i prafiesijnyja. Voś zychodziačy z apošniaha, ja i nie pavinna vydavać padobnaha kštałtu infarmacyju.
