president.gov.ua
Prezident Ukrainy znoŭ niezvyčajna źviarnuŭsia da ŭkraincaŭ. Na videa Zialenski pačaŭ z surjoznym vyhladam z trybuny vystupać pierad dziećmi.
Tyja paziachajuć, im niecikava. «Sumna?» — pytajecca Zialenski. «Tak» — adkazvajuć dzieci. Tady jon pačynaje prostymi słovami tłumačyć małym, čamu hety hod niakiepski i čamu ŭkraincy — supierhieroi. Supierhieroi — miedyki, pažarnyja, kiroŭcy chutkaj i h.d.
Važna dumać i ź luboŭju stavicca da kožnaha ŭkrainca, bo kožny čałaviek važny, kaža jon dzieciam.
Asobna Zialenski źviarnuŭsia da žycharoŭ Kryma i Danbasa.
Jon pierajšoŭ na ruskuju i adznačyŭ, što paŭvostraŭ razam z Danieckam i Łuhanskam žyvie pa maskoŭskim časie, i im kažuć, što Novy hod tam nastupiŭ na hadzinu raniej. «Ale ja viedaju, što ŭžo amal hadzinu, jak vy čakajecie nas, kab sustreć Novy hod razam. Jak adna siamja. Jak adzin narod. Jak adna kraina. Danbas i Krym! Pieraviadzicie hadzińnik nazad. Budźcie z nami!» - skazaŭ Zialenski.
U svaim vinšavańni prezident skazaŭ, što nie choča, znachodziačysia na vulicy Bankavaj u Kijevie (tam znachodzicca rezidencyja), kazać, što va Ukrainie nastupić mir.
«A chaču skazać na Arcioma ŭ Daniecku, što mir va Ukrainie nadyšoŭ. I napisać «Krym — heta Ukraina» nie ŭ Internecie, a na piasku na plažy ŭ Jałcie. Na ŭkrainskim piasku, ukrainskaha plaža ŭkrainskaj Jałty».
