Kadr ź filma «Asablivaści nacyjanalnaha palavańnia»
Hraničnyja minimalnyja ceny na ałkaholnuju pradukcyju pavialičany z 1 studzienia, paviedamlaje BiełTA.
Tak minimalnaja adpusknaja cana za 0,5 litra ałkaholnaha napoju macunkam 40% składaje 5 rubloŭ 5 kapiejek, roźničnaja 6,68 (rost na 16 i 21 kapiejku adpaviedna).
Taksama daražeje «jakasnaje» čarniła. Limitavaja minimalnaja adpusknaja cana ŭstanoŭlena ŭ pamiery 3 rubloŭ 9 kapiejek za 0,7 litra macunkam 18%. Raniej jana składała 2,99 rubla.
Hraničnyja minimalnyja adpusknyja ceny, jak praviła, nižej za tyja, jakija ŭstanoŭleny ŭ roźničnym handli. Adpaviedna, małavierahodna, što ŭśled za pavyšeńniem minimalnych adpusknych koštaŭ vyrastuć ceny ŭ kramach na mocny ałkahol i pładovyja macavanyja viny, miarkuje Tut.by
