Za 2020 hod narviežcy pieršymi ŭ śviecie kupili bolš elektryčnych aŭtamabilaŭ, čym hibrydnych, dyzielnych i bienzinavych razam. Dola elektrakaraŭ siarod usich novych aŭto ŭ naftazdabyvajučaj krainie skłała rekordnyja 54,3%, piša Dev.by sa spasyłkaj na Reuters.
Dla paraŭnańnia, u 2019 hodzie na elektryčnyja aŭtamabili pryjšłosia 42,4% prodažaŭ. Dziesiać hadoŭ tamu, pavodle Narviežskaj darožnaj fiederacyi, elektrakary zajmali ŭsiaho 1% rynku.
Čaściej za ŭsio ŭ 2020 hodzie pakupniki addavali pieravahu elektramabilam niamieckaha kancerna Volkswagen. U 2019-m samym papularnym vytvorcam elektrakaraŭ u Narviehii była Tesla.
Da 2025 hoda Narviehija płanuje całkam admovicca ad aŭtamabilaŭ ź bienzinavymi i dyzielnymi ruchavikami. U jakaści stymułu ŭładalniki elektramabilaŭ tut vyzvalenyja ad padatkaŭ, jakija vypłačvajuć karystalniki aŭto na palivie.
