Dziejny prezident ZŠA Donald Tramp zajaviŭ, što nie pryznaje svajoj parazy na vybarach kiraŭnika dziaržavy, paviedamlaje Reuters.
«My nikoli nie zdadzimsia, my nikoli nie sastupim. Takoha nie adbudziecca. Nielha pryznavać parazu, kali havorka idzie ab kradziažy», — skazaŭ Tramp u Vašynhtonie ŭ chodzie akcyi «Marš za vyratavańnie Amieryki», dzie sabralisia jaho prychilniki.
Jon pravioŭ vystup pierad pasiadžeńniem Kanhresa ZŠA. Toj pavinien zaćvierdzić vyniki hałasavańnia kalehii vybarščykaŭ, zhodna ź jakimi na vybarach pieramoh demakrat Džo Bajden. Pierad prybyćciom Trampa ŭ Vašynhtonie adbyłasia šmatlikaja akcyja pratestu. Na mitynh vyjšli dziasiatki tysiač prychilnikaŭ dziejnaha prezidenta, jakija patrabavali admianić vyniki minułych vybaraŭ.
