Pamior słavuty historyk i hieraldyst Anatol Citoŭ. Pra heta Svabodzie paviedamili jahonyja siabry.
Jamu było 73 hady.
U apošni čas šmat chvareŭ, ale da apošniaha pracavaŭ nad novymi knihami.
Anatol Citoŭ — aŭtar šmatlikich knih, navukovych prac pa hieraldycy, hienieałohii, historyi ramiostvaŭ, histaryčnaj hieahrafii, u tym liku «Hierby biełaruskich haradoŭ» (1983), «Haradskaja hieraldyka Biełarusi» (1989), «Naš simvał — Pahonia» (1993), «Hieraldyka Biełarusi» (2010), «Hierboŭnik biełaruskich haradoŭ» (2015) dy inš.
Na pačatku 1990-ch Anatol Citoŭ uvachodziŭ u kamisiju Viarchoŭnaha Savietu, jakaja raspracavała etałony vykarystańnia bieł-čyrvona-biełaha ściaha.
Raźvitańnie adbudziecca 8 studzienia pa adrasie Alšeŭskaha, 12 z 14-j da 15-j hadziny. Pachavajuć navukoŭca na Čyžoŭskich mohiłkach.
