Były prezident Kazachstana Nursułtan Nazarbajeŭ vykazaŭsia ab pierajmienavańniach u svoj honar. Svaju pazicyju jon raskazaŭ u dakumientalnym filmie ŭ efiry telekanała «Chabar».
Pa słovach Nazarbajeva, jon byŭ suprać takich rašeńniaŭ i zabaraniaŭ ich, znachodziačysia na pasadzie prezidenta, adnak padobnyja prapanovy pastupali da jaho ŭ kožny dzień naradžeńnia. «Jak možna škołu [kazachskaha paeta] Abaja, jakuju ja skončyŭ, pierajmienavać u moj honar? Heta absalutna niapravilna», — zajaviŭ jon.
Nazarbajeŭ zhadaŭ i pierajmienavańnie stalicy dziaržavy Astany ŭ Nur-Sułtan. «Mnie asabista heta nie treba zusim. Voś niekatoryja, asabliva kiraŭniki, dumajuć: «Voś paśla mianie zastaniecca takaja pamiać». Mianie niama, jakaja roźnica, što zastaniecca! — zajaviŭ Nazarbajeŭ. — Tamu ja b paprasiŭ, kab hetym nie zachaplalisia».
Tym nie mienš Astana była pierajmienavanaja ŭ Nur-Sułtan u 2019 hodzie.
