Alaksandr Łukašenka pryznaŭ, što pierachvareŭ na kavid pierad vybarami. Pryčym chvareli adnačasova jon sam, jaho syn Kola i ich doktar.
Pavodle słoŭ Łukašenki, jaho «mocna ŭdaryła» nastupstvami, jon drenna siabie adčuvaŭ padčas pasłańnia 4 žniŭnia 2020 hoda. Tady, nahadajem, Łukašenka syšoŭ niečakana, i zała apładziravała pustoj trybunie. Dy i samo pasłańnie pieršapačatkova było pryznačana na 3 žniŭnia, ale paśla pieraniesłasia na 4-ha.
Mikałaj Łukašenka nazvaŭ baćku «vielmi drennym pacyjentam»: «Jon nie robić toje, što nieabchodna rabić. Kali kažaš, što nieabchodna heta rabić, pryvodziš fakty, kankretnyja prykłady, nie z pryhožaha dalokaha, a, možna skazać, z susiedniaj pałaty — što budzie, kali nie rabić. Ad hetaha tolki ŭzmacniajecca jaho nieprymańnie mietadaŭ lačeńnia prosta ŭ hieamietryčnaj prahresii».
Uviesnu Alaksandr Łukašenka admaŭlaŭ niebiaśpieku karanavirusa, u vyniku Biełaruś nie pryniała karancinnych mier i paniesła strašnyja ludskija straty ŭ pieršuju chvalu pandemii.