Ministerstva achovy zdaroŭja Izraila paviedamiła, što vakcynavana 19,5% nasielnictva, u tym liku bolš za 72% ludziej, jakim bolš za 60 hadoŭ. Čakajecca, što da siaredziny sakavika vakcynu atrymajuć prykładna 5 miljonaŭ z 9 miljonaŭ hramadzian krainy, pieradaje Reuters.
Pavodle danych sajta Our World in Data, jaki viadzie daśledčaja arhanizacyja Oxford Martin School, uzrovień vakcynacyi ŭ Izraili źjaŭlajecca samym vysokim u paraŭnańni z astatnim śvietam. Na druhim miescy — Abjadnanyja Arabskija Emiraty, jakija pa stanie na niadzielu zrabili pryščepki 10% svajho nasielnictva, za imi iduć Bachrejn i ZŠA z 5% i 2% adpaviedna.
Izrail spadziajecca paskoryć uzrovień vakcynacyi da 170 000 u dzień ź ciapierašnich 150 000, kab vyjści z pandemii ŭžo ŭ lutym.
Izrail paralelna zrabiŭ bolš žorstkim režym izalacyi, kab strymać usplosk vypadkaŭ zachvorvańnia na karanavirus. Čynoŭniki kažuć, što praźmierny davier hramadskaści da vakcyny, mahčyma, pryvioŭ da słabaści ŭ inšych mierach zaściarohi i aktyvacyi novych infiekcyj.
