10 studzienia pamior 64-hadovy Viktar Konan — były namieśnik hienieralnaha prakurora.
Pra heta paviedamiŭ «Našaj Nivie» jaho syn Maksim Konan.
Z 2008 pa 2012 Konan pracavaŭ spačatku namieśnikam u Ryhora Vasileviča, potym u Alaksandra Kaniuka.
U 2010-m trapiŭ pad sankcyi Jeŭrasajuza, jak i jašče 160 čynoŭnikaŭ.
«Baćka pačynaŭ karjeru ŭ Baranavickaj transpartnaj prakuratury, byŭ samym maładym prakuroram rajona ŭ SSSR. Adnym z hałoŭnych svaich dasiahnieńniaŭ jon ličyŭ rasśledavańnie kryminalnaj spravy «bandy Marozava», a paśla asudžeńnie złačyncaŭ. Zaŭsiody adstojvaŭ pryncypovuju i paśladoŭnuju pazicyju, byŭ sapraŭdnym patryjotam», — kaža Maksim Konan.
«Paśla adstaŭki z orhanaŭ nidzie nie rabiŭ, bo ličyŭ słužbu ŭ prakuratury svaim paklikańniem, na inšym miescy siabie nie bačyŭ, dapamahaŭ mnie ŭ vychavańni ŭnukaŭ», — dadaje syn.
Pryčynu śmierci siamja nie nazyvaje.
