Heta ŭžo treci pachod Kazłova ŭ SK, ale kožny raz jon admaŭlaŭsia davać pakazańni, spasyłajučysia na artykuł 27 Kanstytucyi — nikoha nielha prymusić davać pakazańni suprać samoha siabie.
U vyniku Kazłoŭ tak ničoha nie skazaŭ, ale ź jaho ŭsio adno patrabavali padpisać papierku ab nierazhałošvańni. Pałkoŭnik Aksana Pierastenka paŭtary hadziny nastojvała, kab palityk padpisaŭ papierku, ale z hetaha tak ničoha nie vyjšła.
Hetaksama Kazłova dapytvali 30 śniežnia i 5 studzienia. Kiraŭnik AHP ličyć spravu «ničym nie abhruntavanaj». «Dopyty prachodziać z adzinaj metaj, kab navyčeplivać niejkich cytat, a ź ich źlapić abvinavačvańnie», — kaža palityk.
«U vielmi mnohich pytańniach staić prypiska ab «pahrozie nacyjanalnaj biaśpiecy». Ja nie vytrymaŭ i spytaŭ, ci zastalisia jašče pravy, jakija nie pahražajuć nacyjanalnaj biaśpiecy, mnie na heta ničoha nie adkazali. Mnie zdajecca, što padpiskaj ab nierazhałošvańni jany chočuć prykryć toje hłupstva i nieprafiesijanalizm, jaki bačny ŭ hetaj spravie».
Na dopyt 12 studzienia pryjšoŭ učastkovy Partyzanskaha rajona Minska, jaki zabraŭ palityka i jaho advakata ŭ aporny punkt milicyi, dzie skłaŭ administracyjny pratakoł pa artykule 23.4 «Niepadparadkavańnie». Parušeńnie zaklučajecca ŭ tym, što Kazłoŭ admoviŭsia dać padpisku ab nierazhałošvańni. Sud pryznačany na 15 studzienia a 11:00.
Kazłovu pahražaje štraf ci 15 sutak źniavoleńnia.
