Eks-kandydat u prezidenty Biełarusi Śviatłana Cichanoŭskaja ŭznaharodžanaja «Premijaj Svabody» siejma Litvy. Uznaharodžańnie adbyłosia siońnia ŭ Dzień abaroncaŭ svabody — dzień pamiaci achviar trahičnych padziej 13 studzienia 1991 hoda, kali pad Vilenskaj televiežaj pad savieckimi tankami zahinuli 13 čałaviek, piša Delfi.lt
Atrymlivajučy premiju, Cichanoŭskaja zhadała i pra zahinułuju pad savieckimi tankami Łaretu Asanavičucie. «30 hadoŭ tamu ŭ hety dzień da vilenskaj televiežy pryjšła maładaja žančyna. Razam z tysiačami inšych litoŭcaŭ jana pryjšła, kab mirna abaraniać svabodu svajoj krainy. Praź niekalki hadzin jaje razdušyŭ naśmierć saviecki tank. Jaje imia, jak i imiony inšych 13 hierojaŭ, u Litvie nikoli nie budzie zabytaje», - skazała S. Cichanoŭskaja.
Pa jaje słovach, jak i Ł. Asanavičucie, u hetym hodzie z-za budučaha svajoj krainy na vulicy vyjšli i biełarusy. «I, na žal, jak Łareta, niekatoryja ź ich z-za hetaha mirnaha imknieńnia byli zabityja. Čamu 30 hadoŭ tamu śmiełyja litoŭcy achviaravali saboj. I čamu ciapier miljony biełarusaŭ ryzykujuć svaimi žyćciami? Pryčyna prostaja — jany advažylisia damahacca svabody», - skazała Cichanoŭskaja.
